上次黎都唔覺有呢個咁靚既天幕.....經過悉心打扮，果然唔同晒！^^
連呢d車仔檔都"煥然一新"！
上網查下，原來呢條美食街真係翻新過；根據報導，以前呢樹是露天的，而呢d車仔檔共有24檔，全部都係有名既食店！
加左天幕，呢樹感覺齊齊整整，舒服好多！
Frog Porridge？ 原來呢檔賣田雞粥！
咦，呢架車仔上面有張相.....
是chilam同靚靚！
車仔檔後面間鋪有張特大的"那些年"黑白照片.....仲寫住潮州！
隔離個鋪位都有一張.....呢張是廣東！
再隔離還有一張是海南.....不過張相被d大膠兜阻住睇唔到！
原來呢樹都有呢間店.....咦，呢間是不是台灣果間既分店？
記得上次黎呢d車仔檔好似香港以前d大排檔咁，但依家美化左，反而覺得無左大排檔果種風味！
呢檔賣煎蠔.....
做咩放咁多雞蛋係樹？ 係咪賣晒就收檔？
呢檔就賣燒烤海鮮！
咦，點解呢d車仔檔既招牌都好似加上地區名，呢間就文達街，剛才就加東，靚靚食果間就芽龍？
咦，原來呢樹都有呢間咖啡店！
由於小弟唔飲咖啡，對呢類咖啡店興趣不大！
再行前d就見到.....10蚊卡拉ok店？
原來美食街招牌上面有個公仔！
睇完美食街，左轉入另一條豬仔街就見到.....栗子！
呢邊d先係真野！
仲有一袋袋已經包裝好的！
係豬仔街出來，就見到.....好多亞叔亞伯係樹聊天同下棋！
咦，係佢地隔離呢間寫住"牛車水"既係咩來？
原來係遊客諮詢中心！
上面d燈籠印左好多那些年的照片！
咦，呢個紅帽公仔咪係牛車水原貌館外面見過.....
另一邊就有幾個"相架".....咖啡叔？
媽姐？ 睇張相見佢地既"制服"好似香港已前d"媽姐"！
呢張就係木偶戲藝人.....木偶戲係新加坡好出名既咩？
呢張就係紅頭巾.....其實就係一些靠勞動力為生的婦女！
係遊客諮詢中心出來，就見到呢間咁宏偉既廟宇！
--> Day 3 (Part 4)：超豪超閃既"新加坡佛牙寺"！^^
No comments:
Post a Comment
Note: Only a member of this blog may post a comment.