係酒店果邊行番過來，見無落雨，就出去外面睇下.....
天空依然烏雲密布！
咁黑，就較光d影張全景相先......^^
轉身再影一張.....^^
係呢邊望番過去商場.....
走過去睇下仲有無"漏水"先......^^
剛好"漏水"完，就快"乾塘"啦！^^
睇黎佢有無限的"吸水"能力.....呢個設計是不是含有風水元素？
睇完"漏斗"就過去前面間名牌店睇下.....
呢間名牌店既設計好特別，仲要建築係水中，離開商場少少！
要行木橋先能夠過去名牌店.....果然係名牌，連條橋都印左佢個名！
原來呢樹可以望到剛才見過既"蓮花"！
行到橋尾，又可以影下對面d商業大廈！
移過d鏡頭，就見到 The Fullerton Hotel！
中間呢個位置咁多銀行大廈？ 莫非是銀行中心？
再移過d鏡頭，連"榴槤劇院"(Esplanade)都見到！
咦，河面上咁多白色和紅色波波？
原來名牌店既入口要上梯級先到，果然是"高級"！
望番商場呢邊，就見到Sands酒店既Sky Park.....
行前d影，就睇得更清楚.....上面的泳池及餐廳部份，似唔似一隻船？
影緊相時又開始落雨，即刻行番去商場避雨.....途經呢排棕櫚樹，見唔可以擋雨，唯有繼續行去商場！
原來商場外面有間cafe，夜晚坐係樹睇激光表演都幾好咁！
原本打算經螺旋橋過去河對岸的另一間酒店食buffet，但驚落雨愈落愈大，唯有選擇搭MRT過去.....
當經過Expo & Convention Centre時，想入去八掛下，睇下會唔會好似會展咁有適合街坊及C9睇既"展覽".....^^
行左兩三層都只係見到有"會議"，唔見有"美食"或"家居用品"等展覽！^^
跟著就落去MRT站.....
係Bayfront站坐藍線(Downtown Line)，搭一個站去Promenade站.....
原來呢條線既列車係"無人駕駛"，小弟剛好企係車頭位置，仲影到"時光隧道"！^^
黎到Promenade站就去睇下地圖，睇下點樣行去酒店.....
呢個站好新凈，仲好有空間感！
係地底出來，就見到外面仲落緊雨，好彩呢樹有條"有瓦遮頭"既通道！
離開通道就轉入一個叫"Milennia Walk"既商場.....
嘩，上面咁...咁高，仲有天窗！
要分兩張相先影晒呢個..."金字塔"！
原來唔只一個"金字塔"，而係一排"金字塔"！
呢d"金字塔"仲有不同既顏色組合！
"金字塔"下面其中一間餅店.....看來好高級咁！
連"餅盒"都高級過人！^^
離開"金字塔"商場，轉個彎就到酒店大堂.....
呢d燈飾好特別，好似頂帽咁！
配合聖誕樹，好有聖誕氣氛！
係上面望落去，又好似好多少女穿上彩色裙子、圍著聖誕樹跳舞咁！
搞咁耐，終於黎到餐廳門口！
Oh，my great buffet，I am coming！^^
--> Day 3 (Part 12)：好多海鮮食的Edge自助餐！
No comments:
Post a Comment
Note: Only a member of this blog may post a comment.