懶下懶下，終於爬起身.....
拉開酒店房窗簾，見到對面d豪宅及遍地綠樹，感覺好舒服！
跟著落去酒店餐廳.....
食番個Breakfast Buffet！
每樣拎少少，已經填滿隻碟！
加件即叫即煎既"新鮮"奄列！
再加少量蔬菜.....
當然少不了一杯鮮榨橙汁！
食食下先發現餐桌上既聖誕公仔.....佢話想要張"高抄"相喎！^^
食完早餐就出發去Sentosa！
由酒店出來，沿著Orchard Road行去MRT站，途中又見到昨晚影相既Ion Orchard！
把鏡頭移過d，就同昨晚影既聖誕燈飾相一樣，不過呢張係"日光版"！^^
呢幾株聖誕樹，日光日白都一樣閃閃發光！
裡面有d照片及資料，不過睇完都唔記得係咩！
落去Orchard站搭MRT，先坐North South Line(紅色線)去Dhoby Ghaut站，再轉North East Line(紫色線)去Harbour Front站！
到左Harbour Front站就落車，再跟住前面d人行.....
同係香港搭港鐵一樣，就算唔係上班時間，一樣超多人！
跟著人潮行，就黎到出口.....呢樹又係Vivo City既入口！
搭扶手電梯向上行左兩三層樓，就見到呢檔專賣聖誕裝飾物品.....
入去睇左陣，跟著直行推開玻璃門出去.....就見到Sentosa係對面！
左手邊就係連接Sentosa既行人通道！
由Vivo City既冷氣空間出來，即刻感受到新加坡既熱力！
沿著Vivo City外既海濱走廊向左邊行，好快就黎到呢樹.....
跟著就進入呢條有蓋既行人通道.....咦，原來呢樹距離Sentosa只有545米！
唔想行或者想行快d，可以搭扶手電梯！
扶手電梯分開幾段，中間可以"落車"，走出外面影下相！
外面已經好晒，呢個有蓋又有扶手電梯既設計真係好正！
就算唔行出去，都可以企係扶手電梯到影相.....
當然，想影張靚相，就要出去晒下太陽！
原來呢條行人通道係慢慢向上爬，黎到呢樹剛好係最高點.....
遠睇呢幾座大廈，好似還在幾建築中！
行出d，就可以望番Vivo City！
Vivo City好似隱藏係綠樹叢中！
原來下面有幾件藝術品！
另一邊就可以望到Sentosa.....見唔見到隻石獅子？
外面真係好晒，影左陣相就開始流汗，即刻跳番入去呢條行人通道，繼續向Sentosa前進！
呢樹有介紹Sentosa有咩野玩！
呢條通道每隔一段路，就有個.....這樣的天窗！
還有155米.....
還有120米.....黎到呢樹，多了一條分叉路！
小弟選擇了左邊的通道，一直行就要進入Tropical Rainforest？
果然有好多熱帶植物喎！
繼續向前行，都只係見到熱帶植物，但個"熱帶雨林"係邊呢？
其實剛才兩條既分叉路都係向同一方向，黎到呢樹就會匯合！
行過去海邊，又再見到呢幾座好似建築中既大廈！
望番Sentosa呢邊，就見到Sentosa呢幾個大字！
呢邊還有Ticket Office！ 如果要玩島上既娛樂設施，可以係樹買FUN PASS！
再行前d就見到入閘機！
有ez link就可直接拍卡入場，費用只需星紙$1！.....這是進入Sentosa最便宜的方法！
入閘後，第一眼就望見呢株彩色棕櫚樹！
擰番轉頭，就見到剛才既入閘機！
終於黎到Sentosa啦！
入口呢樹有免費地圖，不過小弟懶係環保，無拎地圖，只係影左呢張floor plan！
--> Day 2 (Part 2)：參觀"呃人眼睛"博物館...門口！^^
No comments:
Post a Comment
Note: Only a member of this blog may post a comment.