跳番上車之後，都唔知去邊樹落車；直至見到有間Siloso Beach Resort，個單核CPU即時刻對到"Siloso Beach"呢兩個英文，於是決定係前面個站就落車.....
落左車就睇下手機既Google Map，先發現原來Siloso Beach係好大好長，但我要去沙灘近Siloso Point既位置，果樹先有橋出去外面既小島.....
唯有過對面馬路，再坐Beach Tram番去之前個站！
呢邊就有檔賣雪糕.....外面把太陽傘掛左d椰青做裝飾！
呢邊要向前行先有Beach Tram車站.....
行行下就見到剛才見到既Siloso Beach Resort！
呢d三角形既茅屋頂好配合呢樹既環境！
呢look粉紅色柱就係車站！
原來呢個係Siloso Beach Resort站，依家就要去之前果個Costa Sands Resort站！
等左陣就有車來，跟著係Costa Sands Resort站落車，再向沙灘方向行.....
終於黎到啦！ 藍天白雲，水清沙幼，好優美既景色啊！
沿著呢條小橋行出去小島.....
d水好清，水中既植物睇得好清楚！
登陸小島後望番沙灘.....沙灘邊都被藍色網圍封住！
係呢樹可以望到外面既新加坡海峽.....
外面停泊左好多船，好似好繁忙咁！
Zoom近d睇下d船先.....
咦，原來d船後面係另一個島，島上仲有大型建築物.....果樹係咩地方來？
跟住仲見到有快船駛過.....睇黎呢樹係條好繁忙既水道！
繼續向右邊望過去，竟然見到石油庫！
再望過d.....嘩，咁多煙通既？ 莫非係煉油廠？
再望過d.....又是石油庫？
繼續望過去.....隱若見到好多石油庫！
呢樹係咪煉油基地來？
再望過d，就見到.....
好似建築中既地盤！
再過d.....又見到另一隻快船！
睇完外海風景，望番沙灘呢邊.....咦，原來呢樹唔準游水！
但呢樹又有一個告示，叫人游泳時注意安全，奇怪！
行去小島既右邊睇睇.....
呢個小島有好多呢類植物！
呢邊可以望到前面既小島.....有人玩緊滑浪！
擴闊一下視線.....
望見呢d滿怖綠樹既小島，湛藍既海水、再加上來嬉水既人們，好自然咁感受到一份悠閑寫意！
睇番沙灘呢邊，就見到藍天白雲，好舒服啊！
咦，又見到呢幾座好似建築中既大廈！
睇完這小島既景色，就沿著小橋走回沙灘.....咦，燈柱下面張廣告寫住MegaZip？
哦，原來呢樹係高空滑翔(MegaZip)既落腳點！
呢種高空滑翔就係對面叢林中出發......
飛越海灘，來到呢邊既小島！
一邊滑翔，一邊欣賞呢樹既風景，真係好正！
原來呢座酒店叫Rasa Sentosa Resort！
望番右手邊，又見到剛才有人滑浪既小島！
Zoom近d睇下.....
橋下面有好多水中植物.....
d水真係好清，連水中深處既植物都睇得好清楚！
回到沙灘邊.....沙灘被圍封住，d人就係圍欄外玩水！
沙灘另一邊一樣被藍色網圍住！
咦，呢車係咩來？
好似係d滑輪.....係咪玩完空中滑翔後，要把滑輪運回叢林？
其實呢個小島真係好細！
沙灘上好似搭建緊個大舞台.....夜晚會唔會有音樂會？
呢舊.....係咩來？
呢個中午時間真係好曬，好彩前面有遮擋太陽既地方！
再望番沙灘呢邊.....見到呢幾株棕櫚樹及背後既藍天白雲，好有熱帶風情feel！
原來呢座建築物裡面係個工場.....
係咪切緊Siloso呢幾隻字呢？
同沙灘及小島講聲byebye，跟住就去下一站！
--> Day 2 (Part 6)：仿古建築與好Nature的.....Toilet！^^
No comments:
Post a Comment
Note: Only a member of this blog may post a comment.