Day 2 (Part 14)：Imbiah Lookout好多野玩！

行過d睇下，前面有張紅地毯.....

紅地毯前面有個.....

邊位女星？ 無理佢，繼續向前行，就是Image of Singapore！

呢座白色既建築物有新加坡既歷史同文化睇，收費好似10蚊星紙！

小弟無咩文化，係出口行入去，竟然見到.....呢隻熊仔！^^

仲有黑熊添！

原來呢間歷史文化館出口有間shop，唔入去歷史文化館參觀，都可以行下呢間豬仔鋪！

洋人真係有文化d，睇下有幾多洋人參觀完歷史文化館出來！^^

原來呢樹可以望到d山兜！

山兜既總站原來就係前面，而另一邊既總站就係Beach Station附近！

咦，頭頂個牌顯示，前面有好多野玩喎！

睇下幅圖先.....依家就係幅圖中心、魚尾獅右邊既位置.....

首先見到就係呢支.....

咪剛才係Palawan Island望到既.....

.....旋轉觀景車！ 架車呢？

升緊上去囉！ 咦，原來佢既底部印左隻.....老虎！ 唔怪得叫Tiger Sky Tower！

Tower下面既出口都擺左三隻老虎！

Home of Tiger Beer？ 原來係啤酒廠讚助！

前面80米又有野睇！

呢樹就係Imbiah Lookout！

Imbiah Lookout舊石對面，就係剛才既山兜總站！ 除左坐山兜睇風景外，仲有斜坡滑車玩！

呢兩種玩意都要錢，小弟當然選擇去睇免費既Sentosa Nature Discovery！

不過.....小弟來遲一步，原來5點就關閉！

呢樹仲有剛才搭巴士見到既Butterfly Park & Insect Kingdom，不過又係要收費！

見無咩免費玩意，就掉頭行返過去扶手電梯果邊.....

行行下，就見到呢舊野.....

好神秘咁.....原來裡面有條蛇！ 只要你俾錢，就可以同條蛇影相！ 小弟唔想俾錢，當然見唔到條蛇啦！^^

搭扶手電梯落去時，又見到魚尾獅！ 咦，佢個頭頂好似有兩隻蚤走來走去？

Zoom近d睇，依家剩返一隻！^^

跟住又見到鸚鵡，好靚啊！

呢兩隻橙黃色都好靚！

呢d鸚鵡其實係扶手電梯傍邊既一個檔攤，要同佢地影相又係要俾錢！

你唔俾錢，d職員就阻止你拎起相機拍攝；小弟唯有行遠d，用zoom鏡長距離偷影，所以張相影得唔清楚！

就係鸚鵡檔攤隔離，有條小路行去魚尾獅像.....

呢條小路兩傍有好多紅色花.....

好紅好鮮豔，不過唔知叫咩花！

沿著小路行，就來到魚尾獅像下面.....這是小弟最接近魚尾獅像(又唔使俾錢)既時刻！^^

繞過魚尾獅像，佢既後面就係呢樹.....

咩來架？ 好似條彩蛇咁！

行前d睇下，又好似幾條彩色蚯蚓！

呢樹有條長斜路，一直行落去唔知去左邊樹，於是行番轉頭.....又見到靚靚小黃花！

仲有.....

蝴蝶仙子？

有蝴蝶仙子，點會無花呢！ 呢串花好似鸚鵡咀！

原來紅葉裡面有很多白色小花！

呢朵紅花剛才都見過！

繼續搭扶手電梯落到底，途中竟然見到佢！

今晚約左人食蟹，見時間差不多，於是係魚尾獅像前面既Imbiah Station搭車走.....

除左係HarbourFront既Sentosa Station上車外，其它車站都不收費，小弟當然搭最快又唔使錢既交通工具啦！^^

--> Day 2 (Final)：係Ang Mo Kio食蟹，超正！