Day 2 (Part 2)：參觀"呃人眼睛"博物館...門口！^^

黎到Sentosa，除左見到剛才既彩色棕櫚樹外，就見到呢座圓形物體！

呢樹有好多花啊！

呢枝白色既都幾靚，不過唔知佢叫咩名！

睇睇下花，就見到上面有單軌火車經過.....坐呢架"高級野"登陸Sentosa，要俾$4星紙！

順勢望過去，就見到好大個Sentosa既招牌！

呢樹好多牽牛花！

除左單頭，仲有一雙一對！

連三包胎都有！^^

還有一些小紅葉.....依家好似參觀緊植物公園咁！

呢座圓形物體前面有個水池，睇下水中既倒影，就覺得個天空特別藍！

另一邊有條小瀑布.....咦，下面好似有個山洞？

真係有個山洞，裡面仲有.....鐘乳石？

穿過山洞，就見到呢條"大"瀑布！^^.....原來依家係Sentosa個大招牌下面！

呢邊既花又唔同入口果邊果d.....是小黃花來！

呢邊無野睇，行翻轉頭，又要進入鐘乳石洞！

嘩，中間會唔會放電架？

離開洞穴，就見到呢幅大廣告.....BE PART OF ART？

再行前d就見到....."呃人眼睛"博物館？^^

好得意喎.....如果個圓形大餅移到頭頂，變成張椅子俾小弟坐下、休息下，就更加好啦！^^

前面仲有呢幅.....睇極都唔明係咩，不過見到好多人企係前面影相！

嘩，好多人，好受歡迎啊！

呢邊係入口，行過去睇下有咩睇先.....

見到少少啦.....

Zoom近d睇下.....睇睇下，門口個職員提醒小弟，隔離窗口有飛買！！！

於是行過隔離.....再隔離，竟然有個玻璃窗可以睇到裡面！^^

後來上網睇番佢既網頁，館裡面主要係3D視覺場景，票價$25星紙！

小弟cheap cheap，唔舍得俾$25蚊，只係睇下個門口就當參觀左！>_<

睇完Trick Eye Museum就繼續向前行，順便影下行人通道既外面.....

原來行人通道呢邊係韓國街.....

準確d應該係韓國"食"街！^^

行到街尾就見到指示牌.....

望番通道出口呢邊，又見到韓國餐廳！

再行過少少就見到呢個告示牌.....原來裡面係馬來西亞美食街，仲有係今天星期三休息日！

人地"貴人出門多風雨"，小弟出門就必遇"定休日"！>_<

睇緊呢個告示牌時，就聽到後面有人用廣東話好大聲講："有無搞錯，旅遊區食市星期三休息！"

呢d不滿既聲音好快就消失了，隨之而來竟然是好清脆既小鳥叫聲！

其實佢地係咪烏鴉來，見到我地休息日來，就叫"傻瓜、傻瓜"！

呢樹有好多雀仔.....有隻企係樹枝上，睇唔睇到？

呢隻黃色咀既就好易睇到啦！

打完雀繼續行，就黎到Universal Studio既門口！

--> Day 2 (Part 3)：Universal Studios充滿聖誕氣氛！