行程：(2014年12月9~13日)

----------------------------------------------- 
BP 新加坡"懶"之旅 2014！ 
----------------------------------------------- 

-----------------------------------------------------------------------------------------------------------------------------------------
Day 1：香港 -> 新加坡機場 -> 晚飯(鼎泰豐) -> 酒店 

Day 2：酒店(早餐) -> Vivo City -> Sentosa -> 晚餐(食蟹) -> 酒店 

Day 3：酒店(早餐) -> China Town -> Marina Bay Sands -> 晚餐(Buffet) -> 酒店 

Day 4：酒店(早餐) -> Clarke Quay -> Asian Civilisations Museum -> Garden by the Bay -> 晚餐(Sands) -> 酒店 

Day 5：酒店(早餐) -> Orchard Rd Shopping-> 午餐(中式buffet) -> 酒店 -> 機場 -> 香港
-------------------------------------------------------------------------------------------------------------------------------------------

--> Day 1 (Part 1)：新加坡，我來"懶"也！^^

Day 1 (Part 1)：新加坡，我來"懶"也！

上個月才係大阪睇完紅葉返來，話咁快又有機會"出trip"！^^

星期六才確認可以去新加坡玩幾日，即刻上CX網睇下d機位.....

星期一、二既早機都差不多滿，小弟cheap cheap唔舍得買貴機票，最快又較平既要星期二下午機，星期六夜晚返！

由於只係去HEA下，無咩所謂，即刻落order兼confirm機位！

訂好機位就上討論區睇下有無最新既新加坡遊記，睇下有咩新野玩.....

Cheap機票遲到無得改時間，早二個鐘就到左機場.....

CX既counter好少人排隊，話咁快就拎到Gate Pass，行到去海關閘口前才13:35，今次真係好順利！

雖然CX既counters近南面既海關閘口，但小弟喜歡係北面閘口"入閘"，可以順便睇下機場既店鋪.....

中午時份機場都幾多人.....

由於只得一件行李，今次無寄艙.....

推住架行李車黎到閘口前就要"棄車而逃"！

見到呢個超大"Departure"字，就諗起以前d人去旅行坐飛機係件大事，過海關前都會係閘口前同家人朋友影相話別.....

依家就唔同晒.....好多人只會拎住支神棍玩selfie！^^

過左海關就即刻感受到聖誕既氣氛！

唔知點解，CX既機總係泊到好鬼遠，今日呢班就泊Gate 35！

又要推住架"四輪手推車"駛上那條超長運輸帶！

不過今次早黎，可以慢慢行，睇下運輸帶兩傍既展覽！

行行下就見到....."皇帝的新衣"？ 不是，應該是"皇帝的舊衫"！^^

仲有件唔知係咪太后既.....^^

睇完舊衫就見到.....好有聖誕氣氛！

點解去東京既CX機可以泊個咁近既機位？？？

帶著一點不滿.....再次登上運輸帶，繼續"運輸帶的日子"！

去曼谷既CX機都泊得好近，點解？ 不滿既情緒開始升溫.....

幸好又見到令人開心既聖誕裝飾！

係運輸帶上漫遊機場途中，見到呢件.....即刻"落車"去八掛下先！^^

咦，好多手繪真蹟！^^

後面都有！

睇完真蹟就見到航班顯示牌，去check下班機先.....

繼續向Gate 35前進，跟著又見到.....

咦，好多懷舊玩具.....

機械人篇？

懷舊玩具機械人.....

小弟年代的.....小露寶呀！

仲有小飛俠！

呢個唔係好記得！

咦，仲有懷舊飛機模型！

呢個就真係唔識！

呢個咁.....中國style既？

睇完懷舊玩見展就繼續"運輸帶的日子".....Gate 33？ 就快到登機閘口啦！

差不多去到運輸帶尾段！

脫離"運輸帶的日子"後，終於黎到啦！^^

--> Day 1 (Part 2)：無風無浪，平平安安抵達新加坡！

Day 1 (Part 2)：無風無浪，平平安安抵達新加坡！

雖然學人地"行為藝術家"既"slow play X 8"方式步行，但依然好早就黎到閘口！

只見到小貓幾隻坐係樹，於是去睇下接小弟既專機到左未！

原來已經到左！ 咦，係咪落緊貨呢？

原來CX既"貨櫃車"係咁樣既！

睇完小弟架專機就去附近八掛下.....

咦，果邊好Green喎！

原來係Green Building Design！

還有兩位有帽人士係樹睇緊.....CX既飛機，莫非果邊既閘口係去India？

一直行就黎到CX既lounge入口.....今次坐經濟位，無得入去囉！

原來呢邊可以望到控制塔！

Zoom近d睇下先！ 前面係food court黎，可以過去睇下.....

正當小弟想過去food court睇下時，突然有隻不明來歷的手伸過來，送小弟一張九折coupon！

拎住張coupon繼續行，就見到.....

嘩，好多野食咁喎！

由於小弟只係想去睇下控制塔，所以繼續向窗邊前進.....

睇到啦！ 咦，點解咁多CX既飛機？

望下左手邊.....

一樣有好多CX既飛機！

再睇下右手邊.....都係CX既飛機！ 莫非呢樹係CX既基地？

睇完控制塔同飛機，望番入面.....呢個午飯時間都唔係好多人係樹食野！

行過d睇下.....哦，終於明白了！

食碗飯都要成一百蚊，this is not my bowl of rice(翻譯：呢碗都唔係我碗飯)！^^

太貴了，唔舍得食，唯有"睇左當食左"！ 再行去另一邊望下.....

咦，原來下面既下面就係"無人駕駛"既月台！

突然醒起.....點解唔搭"無人駕駛"過來？？？

無得入lounge，又唔想食d貴野，唯有用"slow play X 8"的步伐行番去閘口，盡量減少消耗體內既儲備！^^

咦，閘口仲未有職員，仲要再等.....希望唔會delay啦！

無無聊聊就行去窗邊睇下人地既專機！

睇睇下就見到閘口前突然出現2條人龍.....2條龍仲迅速加長！^^

排隊、check passport、scan gate pass、入閘、登機、搵位.....

跟住又到爭位放手提行李既時間！>_<

搞完一輪，終於可以坐定定，享受小弟最愛既節目.....飛行信息！^^

頭先過來閘口時，部手機用左好多電來影相，即刻拎條cable出來叉電.....

自已都未食飛機餐，但就"手機先食"！

睇睇下飛行信息，空姐就過來派花生同飲品.....

過左一陣，又推住架食物車過來，好快咁講左一大段英文.....

由於太快，小弟只聽到"rice"呢個字，好自然咁跟佢講"rice".....佢聽見"rice"就拎左呢set食物俾我！

打開睇下.....

即刻令人回想起上次坐商務位食既海膽三文魚飯.....

真係好懷念妳啊，三文魚BB，希望下次坐飛機再見到妳啦！

食完飯好快又派雪糕.....

記得坐商務位都係食呢隻牌子雪糕，即刻感覺好好多！^^

食完雪糕就繼續睇飛行信息，睇睇下就訓著左.....

到醒來時已經差不多到達新加坡機場，即刻填左張入境紙，準備落機同過海關！

--> Day 1 (Part 3)：外籍佬由機場入"省城".....^^